კონკურსის "ციფრული და მედია წიგნიერება სკოლში" ფარგლებში 6 დეკემბერს ონლაინ
საკონსულტაციო შეხვედრა გაიმართა. შეხვედრაში მონაწილეობა მიიღო თბილისის, კასპის, ფოთის, საგარეჯოს,
რუსთავის, თერჯოლის, გორის, ქარელის, მცხეთის, გარდაბნის, ლაგოდეხის, ასპინძის, საჩხერის,
ბოლნისის, სიღნაღის საჯარო სკოლების 50-მდე ისტ-ის მასწავლებელმა. ონლაინ
შეხვედრას უძღვებოდა კონკურსის ორგანიზატორები, საქართველოს განათლებისა და მეცნიერების სამინისტროს წარმომადგენლები პარტნიორ
კომპანია მაიკროსოფტთან ერთად.
ინტერნეტ ჩართვა მიმდინარეობდა სპეციალური ტექნოლოგიის გამოყენებით ინტერაქტიულ რეჟიმში, პროგრამა Lync-ის გამოყენებით. მონაწილეები აქტიურად სვამდნენ შეკითხვებს კონკურსის პირობებთან
და მიმდინარეობასთან დაკავშირებით, რომლებსაც ორგანიზატორები პრეზენტაციის პარალელურად პასუხობდნენ. შეგიძლიათ იხილოთ შემაჯამებელი კითხვა-პასუხი და შეხვედრის აუდიო ჩანაწერი.
კონკურსი ორგანიზებულია საქართველოს განათლებისა და მეცნიერების სამინისტროს
მიერ და მისი მიზანია სკოლაში ინოვაციური სწავლა/სწავლების მეთოდებისა და ტექნოლოგიების
გამოყენების გზით სასწავლო პროცესის ხარისხის ზრდის ხელშეწყობა; ინფორმაციულ-საკომუნიკაციო
ტექნოლოგიების მასწავლებელთა პროფესიული ზრდის ხელშეწყობა და მოტივაციის ამაღლება.
ინფორმაციულ-საკომუნიკაციო ტექნოლოგიების მასწავლებლებს ზემოაღნიშნულ
კონკურსში დარეგისტრირება მიმდინარე
წლის 8 დეკემბრის ჩათვლით შეეძლებათ
